Nagpapalit ka na naman ng toyo. Man, gumagana ka na ng 5am to 8am. Hindi 'yon normal. Well, gumagana ka naman kahit anong oras. What I mean is... uhmmm.. 'yung lupit nung function mo pag ganitong oras kakaiba.
Dati, endless ang ideas ko around 12 midnight until 3 in the morning. Kayaaaaa! Kelangan kong gumising sa kasarapan ng tulog ko (kung sakali mang nakakatulog ako.) para lang makapagsulat o makagawa ng article na ipapasa ko sa prof ko kinabukasan/mamaya. Wala e. Dun ka da best. Pag pinilit kitang paganahin ng 7pm-12mn, mag-uubos lang ako ng papel o di kaya, mag-aaksaya ng kuryente kasi tatangahan ko lang 'yun panigurado. Idagdag mo pang anlakas makaakit ng Facebook ng ganitong mga oras. Kaya 'yun nga. Tulog ako from 9pm-12mn tapos dilat ako kung kelan tulog ang kalahati ng mundo.
Kaya nga lang, isang malaking problema 'to. Tumatae ka ng never ending ideas 'pag nasa mood ka, at ang 5-8am ay, uhmmm. oras ng byahe ko pag may pasok. Anak ng pitumpu't pitong puting tupa! Mukang mapipilitan akong magsulat habang nasa jeep neto. Haaaaay... masakit sa ulo 'yon. Putek.
Kelan ka kaya gagana ng sakto sa oras ng pag-aaral ko? Tipong 9am to 6pm? Masyado kang pa-chix e. Ang imposible mo. Daig mo pa nag-iinarteng babae. Pero okay lang din. Gumana ka lang kung kelan mo gusto. Ang mahalaga, gumagana ka pa.
Pero sana, next time, ayusin mo 'yang mood swing mo. Hindi 'yung tipong nasa gitna ako ng pool o kaya nagshashampoo ako, saka ka aatake. Timing, dude. Wag din habang me kausap ako kasi medyo nakakabastos 'yon t'wing napipilitan akong sabihing "saglit lang. magsusulat ako." Ayt! Basta, tamang timing, kay?
At sana mapagod ka naman kakaisip sa kanya. Try mo. Feeling ko naman, okay din minsan :D
Love,
Chare
Walang komento:
Mag-post ng isang Komento