"Genuine naman tayo." sabi ni Cong. Tupaz. Inuulol mo ba ko? Naka-declare ba sa SALN mo 'yung mansion worth millions na pinapagawa mo? Uhmm.. well, iba naman nga ang meaning ng genuine sa transparent. Sige, pagbigyan natin si Tupaz. Malinis siya, sa sobrang linis, gusto kong makipunas. Hiyang hiya ako e.
At 'yun na nga. The decision was 20 over 3 senators voted for Chief Justice Renato C. Corona to be convicted for the effin reason na pumeste sa tenga ko kanina. Dahil nga sa incomplete disclosure ng SALN niya na pinaulit ulit naman ni Sen. Miriam Defensor-Santiago na hindi dahilan para maimpeach siya sa galit niyang speech.
"Why would the defendant leave his calling card at the scene of the crime if he does not want to be caught?" - Santiago
Tama naman. Kahit ako, kung balak kong itago na may dollar account/s ako, bakit ko ipapangalan sa sarili ko 'yung account? Pwede namang mag-ala Jose Pidal na lang akong drama di ba? In this case, tanga pala si Corona. Hindi niya naisip 'yon, man!
Well, I don't wanna argue about the conviction anymore. Wala din namang magagawa 'yung punto ko kasi nga convicted na. At sabi nga ni Sen. Lacson, it is final and irreversible. Sabi ng narinig ko kung kanino man, ordinary people would convict the Chief Justice and no matter how I hate to conclude this, it seems that we have senators with ordinary people's kind of thinking. Shame!
So I would like to dig in to where it all began. Naisampa ang impeachment complaint kay Corona in just one night. Ang galing di ba? Pero 'yung RH Bill, Information Bill at kung anu ano pang dapat inuuna nilang desisyunan, kinamote na sa kongreso. Wala e. Hindi naman kukunin 'yung pork barrel nila kahit di mapasa 'yon so unahin natin ang makakapagpadagdag sa ating kaban mga pare.
Ang lakas pa maka-coincidence ng drama na after i-approve ni Corona 'yung dissemination ng Hacienda Luisita saka biglang gusto na iimpeach ng kongreso si Corona. Coincidence o pinilit maging coincidence? Ewan. But I strongly believe the reason behind the Chief Justice's impeachment is just politically motivated. Sinasabi ko bang ang presidente NIYO ang nasa likod nito? Woah! Mabigat masyadong accusation 'yan pero hindi na ko magugulat kung ganun nga. Sa sobrang childish ng presidente niyo, hindi malabo.
Ayoko talagang ma-convict si Corona. Kasi natatakot ako sa panot administration. Mahusay niyang binigyan ng cut ang budget ng education at judiciary nung national budget appropriation para ilagay sa militar. Mahusay. Sinong aso ang kakagat sa nagpapakain sa kanya? Pero, hindi naman aso ang mga sundalo. Positib tayo. Though kongreso ang gumagawa nitong budget appropriations na 'to, do you think ganun kahina si P-Noy para hindi 'to magawan ng paraan? Dude, hindi siya Ateneo graduate for nothing. Kahit pa tinalo pa siya ni Lapid sa dami ng bills nung senador pa sila. Hindi pa din maikakailang anak siya ni Ninoy at sige, ni Cory.
Ang mas nakakatakot pa... what after? Pa'no na pagkatapos ng impeachment? Maga-assign si P-Noy ng Chief Justice niya at katulad ni Corona kay Gloria, magiging tuta at tagapagtanggol niya kung sakali mang mawala na siya sa pwesto at habulin din siya ng papalit sa kanya. And the cycle goes on and on.. Impeachment ulit ang peg natin tapos assign ng bago tapos paulit-ulit lang. Ang masama nito, pa'no kung hindi ulit trip ng moody niyong presidente 'yung susunod na Chief Justice? Impeachment ulit? Anong palagay mo sa Supreme Court, bahay ni Kuya?!
It's just damn saddening to know na wala ng ibang pinapairal sa lipunan lalo na gobyerno natin kundi pulitika. Sabi nga ni Santiago kanina, why do we call this proceeding quasi-judicial if puro political lang ang interpretation ng batas? Which I think is tama lang sa nangyayari sa senado kanina. I think and I strongly believe that this impeachment is just about politics. Ang pangit man pakinggan dahil lahat sila na nasa posisyon e nakapag-aral naman. Pero nagpapakain sila ng buong buo sa politika. Ang lakas makabadtrip, di ba?
Ang hirap pa isipin na dahil quasi-political nga din 'tong proceeding na 'to, pwedeng 'yung ibang senator judges ay bumoto lang ayon sa kung saan sila makakakuha ng mas maraming boto sa darating na eleksyon. Isang malaking TSK! Nakipulso lang sa tao, nakiayon sa agos para me sure na pwesto. Kagaguhan di ba?
So hindi nga ako payag na i-convict si Corona ng dahil sa omission ng kahit magkano pa sa SALN niya. 'coz this could mean an imbalance in our government. Conspiracy and Connivance among these three equal branches of the gov't could now be possible. Still, I would want to believe this would not happen. Na sana hindi pa naman naiisip ni panot na magdeclare ng Martial Law sooner or later. But an indirect dictatorial is just the same as an announced one.
But I won't be heard. And my insights might be too shallow for some or might be wrong. Still, I would stick to what I believe in. Let Corona suffer the consequences of the incomplete disclosure of his assets, let him not enjoy the benefits of the years he spent in service for the country for he was convicted. But let people know what they should know. Corona does not stand accused of having amassed illegal wealth just like what the Presiding officer of the impeachment court said. So, wag mo siyang husgahan. Hindi ka niya ninakawan. Ang kamalian niya lang, hindi niya kinumpleto sa SALN lahat ng kayamanan niya.
Pero may iniwan siyang hamon. Hamon para sa lahat ng malilinis na senador at kongresista. At sinummarize 'to ni Sen. Escudero sa opening line niya.
"Do not judge others, for the measure that you used to judge will be used against you."
Aantayin kong ilabas ang 252 Statement of Assets, Liabilities and Net worth ng 23 senators at 229 na kongresista sa publiko at sa media. Isama na din 'yung kay VP Binay at 'yung sa presidente niyo at ng gabinete niya at iimpeach lahat ng dapat iimpeach. Lahat ng hindi kumpleto ang SALN para fair. Sibakin sa pwesto lahat ng dapat sibakin. Tutal fairness ang habol niyo di ba? Sabi nga ni Sen. Angara: "In order to supress any questionable accumulation of wealth, we maintain a standard of honesty." Honesty? Ilang beses niyo yang isinampal kay Corona sa 44 days ng paglilitis sa kanya. Edi pagbigyan. Show us some honesty elected people. Kaso me matira kaya sa inyo pag ginawa 'to?
Bago ko matapos, gusto kong i-quote si Sen. Arroyo.
"Impeachment is a political proocess, not a political assassination."
Kayo ng bahalang humusga kung anong nangyari sa senado at sa kongreso.
Kayo ng bahalang humusga kung anong nangyari sa senado at sa kongreso.
Dapat 'yung susunod na Chief Justice, perfect! "yung walang kahit gatuldok na bahid dungis. Tipong conceived without original sin ang drama. Nakakahiya kasi sa mga senador at kongresista, ang lilinis nila.
Magpagaling ka na lang dude :)
Walang komento:
Mag-post ng isang Komento